Trackman
TrackMan Range er byltingakennd ný radar mælingartækni í Básum sem veitir þér lykilupplýsingar fyrir hvert slegið högg. Þegar þú hefur slegið högg eru radarar úti á æfingasvæðinu sem mæla flug boltans á sjálfvirkan hátt. Nákvæm lengd bolta á flugi, hraði og ferill boltans mun birtast í rauntíma í því snjalltæki (spjaldtölvu eða síma) sem staðsett er fyrir framan þig á einfaldan og skýran hátt.
Radar mæling boltaflugs byggir á sömu tækni og notuð er í TrackMan Radar tækjum atvinnumanna og golfherma.
Í TrackMan Range er einnig hægt að spila ýmsa leiki, t.d. Næstur pinna (Bulls Eye), Fangaðu flaggið (Capture the Flag) og Lengsta högg (Hit it). Þessir leikir gera æfinguna að leik fyrir kylfinga á öllum getustigum og má vænta fleiri leikja á næstu mánuðum.
Hægt er að tengjast kerfinu á 1. og 2. hæð Bása, á 1. hæðinni eru 8 básar útbúnir með IPAD spjaldtölvum. Aðrir básar æfingasvæðisins eru búnir standi þar sem kylfingar geta tengst kerfinu með eigin snjalltæki. Ath! 3. hæð Bása er ekki tengd kerfinu.
Þetta er frábær ný tækni sem gaman er að nýta við leik og þjálfun í golfíþróttinni.
Við vekjum athygli á því að notkun á TrackMan Range er valkvæð og geta kylfingar því áfram mætt til að æfa sveifluna í Básum án þess að tengjast kerfinu.
Sæktu appið núna
Svona byrjar þú
1. Til þess að tengjast kerfinu þurfa kylfingar að vera staðsettir í Básum en til að flýta fyrir notkun í fyrsta sinn er hægt að ná í TrackMan Range appið – hægt er að nálgast appið bæði í App Store og Play Store í símanum.
2. Þegar mætt er í Bása tengið símann við TrackMan Wi-Fi og sláið inn lykilorð sem uppgefið er á staðnum.
3. Opnið app og fylgið leiðbeiningum á skjá.
Algengar spurningar
Hvað er TrackMan Range?
Það er frítt app sem gerir þér kleift að æfa golf með markvissum hætti. Að auki getur þú fylgst með framförum þínum yfir lengra tímabil – allt í gegnum símann.
Hvernig virkar appið?
TrackMan Range veitir lykilupplýsingar fyrir hvert slegið högg. Nákvæm lengd á bolta á flugi, hraði og ferill boltans er sýndur í rauntíma á spjaldtölvu eða snjallsíma kylfings á einfaldan og skýran hátt.
Geymir appið upplýsingar um höggin mín?
Já, en fyrst þarftu að skrá þig inn. TrackMan Range byggir sjálfkrafa upp stöðu þína, heldur utan um árangur og gefur þér skýrslu eftir hverja æfingu.
